احيانا نتصرف مع الأطفال العنيدين بنفس عنادهم... و الشي هذا ينتهي احيانا بتصرف خاطىء من الام...

اليوم اخترنا لكم موضوع مهم
احيانا نتصرف مع الأطفال العنيدين بنفس عنادهم... و الشي هذا ينتهي احيانا بتصرف خاطىء من الام... كتبت نقاط مهمة تساعدك في التعامل مع الطفل العنيد.
                       
١- لا تستخدمين اُسلوب العناد مع الطفل.لان بهالطريقة راح تزيد المشكلة و راح يستمر على عناده.. كلميه بهدوء و نزلي لي مستواه و خلي عينك بعينه و اسمعي كلام الطفل و كلميه بلطف و اقنعيه بكلامك تجنبي اُسلوب الاوامر، لان اُسلوب الأوامر يضعف من شخصيته.
٢-اكبر غلط تسويه الام أهو لمن تقول للطفل أَنْت ما تفهم، انت رأسك يابس، ما احبك لأنك ما تسمع كلامي... الخ شي طبيعي ان تصرفاتهم تنرفز، بس استخدام الكلمات هذي تسبب مشكلة ثانية عند الطفل.ولا تستخدمين اُسلوب الهدية او المكافأة مقابل انه يسوي الشي اللي تريديه...


٣- لا تغصبين الطفل على انه يلبس لبس معين او على اكل شي معين.خليه يختار بنفسه .و إنتي شاركيه بالاقتراحات... عززي شخصيته .. خلي اُسلوب التحاور بينكم.. لا تعطين الأوامر فقط!
٤-اكبر غلط أنك تقارنينه بولد اي احد تعريفه !حتى بين اولادك.لا تقارنينه باخوه او اخته.و الأهم ان ما تكلمينه قدام ابوه و اخوانه، لازم تكونين فقط مع الطفل.
٥- استخدمي اُسلوب المدح و الثناء دائماً اذا سوا الشي اللي تردي. خليه الطفل يحس انك مستانسه منه.. مثلا شوف كيف ماما استانست لمن صرت شاطر و سمعت كلامها...
٦- مهم جدا ان إنتي و الاب تكونون متبعين نفس الأسلوب و كلمتكم وحده.لان اذا واحد منكم تعامل مع الأطفال غير.راح تلاحظون ان الطفل ما يسمع الكلام..
٧- الصراخ و الضرب اكثر وسيلتين مدمرتين للطفل! مهما عصبتي او تضايقني من الأولاد لا تلجأي للضرب او الصراخ... لانها راح تولد طفل عدواني و عنيد جدا وممكن اتأثر على نفسيته و شخصيته.
٨- ممكن اي تصرف نشوفه على اولادنا و يضايقنا يكون فقط مجرد رسالة منهم انهم يبون يلفتون انتباهنا ويريدون اهتمامنا.لا تتسرعين بالحكم على تصرفات اولادك.
٩- طلبي من الطفل الشي اللي يسويه.  لا تستخدمين كلمة ((لا تسوي)) ... بيني للطفل انك مو مهتمه لتصرفه حتى لو كنتي متضايقة.مثلا لا تقولين. ((لا تكتب على الحائط)) ..جيبي ورقة و الالوان و قوليله شو رأيك نسوي رسمه حلوة مع بعض و نعلق الصورة على الحائط...
١٠- اهم نقطة مشاكل مع زوجك ما تكون امام الاولاد. اخطر شي أنكم تتهاوشون قدامهم ... الشي هذا راح يُبين لهم عناد الطرفين و راح يتعلمون العناد و الصراخ من الام و الأب.
©2014 خدمة معلومات عامة وخواطر
❀«*¨·.¸¸.·¨*·.¸¸..·¨*·.¸¸..·¨*»❀
www.facebook.com/CMFinformatio
www.cmfinformation.ahlamontada.com
-----------------------
خٍدًمٌـٍة مٌعٍلّوَمٌــات عٍآٍمٌــة وَخٍوَآٍطَــر

❀«*¨·.¸¸.·¨*·.®..·¨*·.¸¸..·¨*»❀